AI 點樣決定推薦邊間？
AI 會參考網上公開資料：你嘅網站、Google 商家檔案、評價、社交媒體、其他網站提到你嘅內容。資料越清楚、越一致、越多可信來源提到你，AI 越有信心推薦你。冇人可以保證 AI 一定推薦你，但以下幾樣可以大大提高機會。
1. 網站要直接答客人問題
AI 鍾意引用直接回答問題嘅內容。網站每個服務頁加常見問題，用客人真係會問嘅講法，例如「痛症治療一次要幾錢？」「髮型屋染髮要幾耐？」，然後第一句就答。
2. 加結構化資料
結構化資料（Schema）係俾機器睇嘅標籤，話俾 Google 同 AI 知：呢個係一間商家、喺邊、電話幾多、提供乜服務、常見問題係乜。JVM 做嘅網站全部預設加好。
3. Google 商家檔案同評價
Google 嘅 AI 摘要好大程度參考 Google 地圖資料同評價。評價入面客人自然提到嘅字，例如「膊頭痛」「手沖咖啡」，都會幫 AI 將你同相關問題連埋一齊。
4. 每個平台資料一致
名稱、地址、電話、服務喺網站、Google、IG、Facebook、Threads 都要一樣。資料亂，AI 會唔肯定係咪同一間舖。
5. 多啲地方提到你
媒體報導、KOL 分享、行業網站、合作夥伴網站提到你，都係 AI 嘅參考來源。持續出好內容，自然多人轉載同提到。
自己測試吓
- 打開 ChatGPT 或 Gemini
- 問「（你嘅地區）邊間（你嘅行業）好？」
- 睇吓有冇你、講你啲乜
- 每月問一次，記低變化
JVM 可以點幫你
常見問題
AI SEO 同傳統 SEO 有咩分別？
傳統 SEO 目標係喺 Google 搜尋結果排前；AI SEO 目標係被 ChatGPT、Gemini、Google AI 摘要引用同推薦。兩者基礎一樣：清楚嘅網站內容、結構化資料、可信嘅評價同一致資料。
做咗 AI SEO 一定會被 ChatGPT 推薦？
冇人可以保證。AI 嘅答案會變，亦會因人因問法而唔同。AI SEO 做嘅係提高被認識同被推薦嘅機會。